យើងប្រើតែព័ត៌មានដែលយើងមានអំពីអ្នក ក្រោមលក្ខខណ្ឌដែលច្បាប់អនុញ្ញាតប៉ុណ្ណោះ។ មានន័យថា យើងត្រូវតែមានមូលហេតុត្រឹមត្រូវ ដើម្បីបញ្ជាក់ពីការប្រើប្រាស់ព័ត៌មានរបស់អ្នក។

តាមច្បាប់ មានមូលហេតុត្រឹមត្រូវចំនួនប្រាំមួយ។ មូលហេតុទូទៅបំផុតចំនួនបីដែលប្រើដោយ TikTok គឺ៖

• ដើម្បីអនុវត្តកិច្ចសន្យា
• ផលប្រយោជន៍ស្របច្បាប់
• ការយល់ព្រម

ច្បាប់អនុញ្ញាតឱ្យយើងប្រើប្រាស់ព័ត៌មានរបស់អ្នក ប្រសិនបើចាំបាច់សម្រាប់ផលប្រយោជន៍ស្របច្បាប់ (ពោលគឺប្រសិនបើយើងកំពុងប្រើប្រាស់ព័ត៌មានរបស់អ្នកក្រោមហេតុផលដ៏ល្អដែលមិនមានផលប៉ះពាល់អវិជ្ជមានដល់សិទ្ធិរបស់អ្នក)។ ឧទាហរណ៍ មានផលប្រយោជន៍ស្របច្បាប់ក្នុងការប្រើប្រាស់ព័ត៌មានរបស់អ្នក ដើម្បីការពារសុវត្ថិភាព និងសុខុមាលភាពនៃសហគមន៍របស់យើង។ វាអាចរួមបញ្ចូលការត្រួតពិនិត្យនូវអ្វីៗដែលអ្នកធ្វើនៅលើ TikTok ដើម្បីប្រាកដថាអ្វីៗទាំងនោះមិនខុសគោលការណ៍ណែនាំសហគមន៍របស់យើង។

យើងអាចចែករំលែកព័ត៌មានមួយចំនួនរបស់អ្នកជាមួយក្រុមហ៊ុន និងស្ថាប័នផ្សេងទៀត។

• យើងចែករំលែកព័ត៌មានមួយចំនួនជាមួយក្រុមហ៊ុនផ្សេងទៀតដែលផ្តល់សេវាកម្មឱ្យយើង។ ក្រុមហ៊ុនទាំងនេះធ្វើអ្វីៗដូចជា ផ្តល់កន្លែងសុវត្ថិភាពសម្រាប់យើងក្នុងការរក្សាទុកព័ត៌មានរបស់អ្នក និងឱ្យអ្នកអាចបង់ប្រាក់សម្រាប់អ្វីៗនៅលើ TikTok។
• យើងចែករំលែកព័ត៌មានមួយចំនួនជាមួយផ្លេតហ្វម និងកម្មវិធីផ្សេងទៀត ប៉ុន្តែលុះត្រាតែអ្នកស្នើសុំឱ្យយើងចែករំលែកតែប៉ុណ្ណោះ។ ឧទាហរណ៍ ប្រសិនបើអ្នកប្រើមុខងារ "ចែករំលែកទៅ" របស់យើងដើម្បីបង្ហោះវីដេអូ TikTok របស់អ្នកនៅលើផ្លេតហ្វមមួយផ្សេងទៀត យើងចែករំលែកព័ត៌មានមួយចំនួនជាមួយផ្លេតហ្វមផ្សេងទៀតនោះ ដូច្នេះអ្នកអាចធ្វើបែបនេះបាន។
• យើងចែករំលែកព័ត៌មានមួយចំនួនជាមួយអ្នកផ្សាយពាណិជ្ជកម្ម និងក្រុមហ៊ុនដែលជួយដល់ពួកគេ។នេះគឺដើម្បីឱ្យពួកគេអាចយល់ពីប្រសិទ្ធភាពនៃការផ្សាយពាណិជ្ជកម្មរបស់ពួកគេនៅលើ TikTok (ឧទាហរណ៍ ចំនួនមនុស្សដែលបានឃើញ បានចូលចិត្ត បានផ្តល់មតិនៅលើ ឬបានចែករំលែកការផ្សាយពាណិជ្ជកម្មរបស់ពួកគេ ឬបានចូលមើលគេហទំព័ររបស់ពួកគេ)។ យើងចែករំលែកព័ត៌មានផ្ទាល់ខ្លួនរបស់អ្នកជាមួយអ្នកផ្សាយពាណិជ្ជកម្មតែប៉ុណ្ណោះ ប្រសិនបើអ្នកផ្តល់ការអនុញ្ញាតឱ្យយើង។
• យើងក៏អាចចែករំលែកព័ត៌មានមួយចំនួនអំពីអ្នកជាមួយប៉ូលិស សេវាសង្គ្រោះបន្ទាន់ ឬអាជ្ញាធរសាធារណៈផងដែរ។យើងធ្វើដូចនេះ ប្រសិនបើយើងត្រូវតែធ្វើតាមច្បាប់ ឬនៅក្នុងកាលៈទេសៈពិសេសៗដូចជា ប្រសិនបើយើងសង្ស័យថាមានឧក្រិដ្ឋកម្ម ឬនរណាម្នាក់កំពុងប្រឈមនឹងហានិភ័យធ្ងន់ធ្ងរនៃគ្រោះថ្នាក់។

អ្នកត្រូវតែមានអាយុយ៉ាងតិច 13 ឆ្នាំទើបអាចប្រើ TikTok បាន។ ប្រសិនបើអ្នកមានអាយុក្រោម 18 ឆ្នាំ អ្នកប្រហែលជាសម្គាល់ឃើញថាមុខងារមួយចំនួនរបស់ TikTok មិនមានផ្ដល់ជូនសម្រាប់អ្នកទេ ឬអ្នកមិនអាចប្តូរការកំណត់មួយចំនួនរបស់អ្នកបានឡើយ។ នេះគឺដោយសារតែយើងចង់ឱ្យអ្នកប្រើប្រាស់ TikTok ប្រកបដោយភាពរីករាយ សុវត្ថិភាព និងសមស្របតាមអាយុរបស់អ្នក។

ឧទាហរណ៍ ប្រសិនបើអ្នកមានអាយុក្រោម 16 ឆ្នាំ គណនីរបស់អ្នកត្រូវបានកំណត់ទៅ "ឯកជន" តាមលំនាំដើម។ ប្រសិនបើអ្នកមានអាយុ 16 ឬ 17 ឆ្នាំ អ្នកអាចជ្រើសរើសរវាងគណនីឯកជន ឬគណនីសាធារណៈបាន នៅពេលរៀបចំគណនីរបស់អ្នក។ ប្រសិនបើអ្នកមិនជ្រើសរើសទេ គណនីរបស់អ្នកត្រូវបានកំណត់ទៅ "ឯកជន" តាមលំនាំដើម។

ប្រសិនបើអ្នកមានគណនីលក្ខណៈឯកជន មានតែមនុស្ស​ដែលអ្នកអនុញ្ញាតប៉ុណ្ណោះទើបអាចតាមអ្នក, មើលវីដេអូ, វីដេអូ LIVE, ជីវប្រវត្តិ, ការចូលចិត្តរបស់អ្នក ក៏ដូចជាបញ្ជីកំពុងតាម និងអ្នកតាមរបស់អ្នកបាន។

ប្រសិនបើអ្នកមានគណនីសាធារណៈ នោះនឹងអាចមើលឃើញប្រវត្តិរូបនិងវីដេអូ​របស់អ្នក​ ហើយអាចចែករំលែក​ដោយនរណាម្នាក់​នៅក្នុង ឬនៅក្រៅ TikTok (មិនថាគាត់​មានគណនី TikTok ឬអត់នោះទេ) ហើយអាចបង្ហាញនៅក្នុង​ម៉ាស៊ីនស្វែងរក ប្លក់ ការបង្ហោះលើបណ្ដាញ​សង្គម និងគេហទំព័រព័ត៌មាន។

សូមចងចាំថា មិនថាគណនីរបស់អ្នកជាគណនីឯកជន ឬគណនីសាធារណៈនោះទេ អ្នកគ្រប់គ្នានៅក្នុង ឬក្រៅ TikTok នឹងមើលឃើញឈ្មោះ ឈ្មោះអ្នកប្រើប្រាស់ និងរូបថត​ប្រវត្តិរូបរបស់អ្នកជានិច្ច។ មិនថាគណនីរបស់អ្នកជាប្រភេទអ្វីនោះទេ អ្នកអាចដាក់កំហិតលើលទ្ធភាពមើលឃើញការបង្ហោះរបស់អ្នកជាលក្ខណៈបុគ្គលបានជានិច្ច ក្នុងករណីនេះមានតែទស្សនិកជនដែលអ្នកជ្រើសរើសប៉ុណ្ណោះដែលនឹងអាចមើលឃើញការបង្ហោះរបស់អ្នកបាន។ មើលរបៀបប្ដូរការកំណត់វីដេអូរបស់អ្នកនៅទីនេះ។

ពិនិត្យមើល Youth Portal របស់យើង ដើម្បីដឹងព័ត៌មានទាំងអស់ដែលអ្នកត្រូវការ ដើម្បីទទួលបានបទពិសោធប្រើប្រាស់ TikTok ដ៏ល្អបំផុត។

ហើយប្រសិនបើអ្នកជាឪពុកម្តាយរបស់អ្នកប្រើប្រាស់ TikTok ដែលមានអាយុក្រោម 18 ឆ្នាំ សូមពិនិត្យមើលការណែនាំសម្រាប់អាណាព្យាបាលរបស់យើង ដើម្បីទទួលបានព័ត៌មាន និងធនធានក្នុងការជួយឱ្យអ្នកយល់ពី TikTok ព្រមទាំងឧបករណ៍ និងការគ្រប់ដែលអ្នក និងកូនវ័យជំទង់របស់អ្នកអាចបើកបានដូចជា មុខងារ Family Pairing របស់យើងជាដើម។