Ginaila namo nga mahimong komplikado ang digital nga pag-advertise, apan wala namo ginahunahuna nga komplikado kini. Nagapaningkamot mi nga simple ug direktang mapahibalo ang among mga gawi sa ad.

Pagtahod sa pagkapribado sa pag-advertise

Nagahimo mi og pagkapribado sa disenyo sa TikTok aron adunay kompiyansa ang among komunidad sa pag-discover, paghimo, ug pag-enjoy sa lain-lain ug makalingaw nga content. Nagapaningkamot mi nga mahimong transparent sa among mga user bahin sa kung ginaunsa namo pagkolekta, paggamit ug pag-share sa data alang sa pag-advertise.

Bahin sa mga ad sa TikTok

Nagapakita ang mga negosyo og mga ad sa TikTok aron maabot ang mga tawo nga importante kanila sa mamugnaon ug makahuluganon nga paagi. Nagatabang kini nga magpabiling libre ang TikTok aron magamit sa among komunidad.

Makakita ka og lain-laing klase sa ad kung mogamit ka sa TikTok. Klaro nga gimarkahan og icon nga "Giisponsoran" o "Ad" ang tanang ad nga gibayran sa TikTok aron ibutang sa mga feed sa user o page sa pagpangita. Mahimo kang makig-interact sa ad sa susamang paagi sama sa content nga gi-post sa mga user. Pananglitan, mahimo nimong i-share, i-like, magkomento, o i-replay ang ad kung i-enable sa advertiser kini nga mga feature alang sa partikular nga ad; mahimo usab nimong itaho ang ad kung nakita nimo kini nga dili angay.

Ginadetermina sa Mga Palisiya sa Ad sa TikTok ang klase sa mga produkto ug serbisyo nga mahimong i-advertise sa TikTok, dugang sa klase sa content sa pag-advertise nga gidili o gilimitahan sa among platform.

Mga rason kung nganong makakita ka og partikular nga ad sa TikTok

Gusto namong ma-enhance sa pag-advertise ang imong kasinatian sa TikTok. Aron makab-ot kana, nagapakita kanimo ang TikTok og mga ad nga nagagamit og impormasyon nga imong gihatag, nga awtomatiko namong ginakolekta bahin kanimo samtang nagagamit ka sa TikTok, o nga gina-share sa mga advertiser ug partner sa pagsukod bahin kanimo.

• Makadawat ka og mga wala naka-personalize nga ad nga nakabase sa mga kategorya sa impormasyon nga ma-aplay kanimo ug sa uban pang user base sa konteksto, sama sa imong nasud ug pinulongan, ug gipahayag nga impormasyon, sama sa imong edad. Mahimong wala kaayoy kalabutan kanimo ang mga wala naka-personalize nga ad tungod kay wala nakabase kini nga mga ad sa imong miaging aktibidad.
• Depende sa mga setting sa imong mga ad, mahimong magpakita mi kanimo og mga naka-personalize nga ad, diin mga ad nga ginahunahuna namong interesado ka base sa impormasyon nga among nadawat. Mahimong maglakip kini og impormasyon bahin sa imong mga aktibidad sa app o sa mga website ug app sa among mga partner sa pag-advertise o sa mga store niini.

Impormasyon nga ginagamit namo alang sa tanang ad

Mahimong gamiton ang mosunod nga kinatibuk-ang impormasyon aron magpakita kanimo og mga naka-personalize o wala naka-personalize nga ad.

• Impormasyon sa lokasyon: Pananglitan, mahimong makakita ka og ad gikan sa advertiser nga gustong maabot ang mga user sa TikTok sa Berlin, Germany kung sa among panan-aw anaa ka sa Berlin base sa imong impormasyon sa lokasyon. Makat-on pa bahin sa kung ginaunsa pagkolekta ang impormasyon sa lokasyon.
• Impormasyon sa pinulongan: Pananglitan, mahimong makakita ka og ad gikan sa advertiser nga gustong maabot ang mga Spanish nga speaker kung nakatakda sa Spanish ang pinulongan sa imong app.
• Impormasyon sa demograpiko nga imong gihatag: Pananglitan, mahimong makaapekto ang edad nga imong gihatag kung mag-sign up ka alang sa TikTok account kung magpakita ba kanimo ang TikTok og ad alang sa serbisyo sa pag-abang og sakyanan nga available sa mga tawo nga 25 anyos pataas.

Impormasyon nga ginagamit namo alang sa mga naka-personalize nga ad

Mahimong gamiton ang mosunod nga dugang impormasyon aron magpakita kanimo og mga naka-personalize nga ad, depende sa imong mga gipili nga pag-personalize sa ad.

• Impormasyon sa demograpiko nga among nahibal-an: Pananglitan, mahimo namong mahibal-an ang imong sekswalidad base sa aktibidad nimo sulod sa TikTok, nga mahimong gamiton aron ipahiangay ang mga ad nga imong makita. Mahimo nimong i-update ang nahibal-an nga sekswalidad alang sa mga ad bisan unsang orasa sa imong mga setting sa ad. Ma-aplay lang ang bisan unsang update sa imong mga setting sa mga ad ug dili makaapekto sa uban pang serbisyo sa TikTok.
• Impormasyon sa Interes ug Pamatasan
• Aktibidad sulod sa TikTok: Mahimong magpakita ang TikTok og mga ad bahin sa mga butang nga mahimong interesado ka, base sa kung ginaunsa nimo pagtan-aw, pagpangita, pag-share ug pag-like sa content o pagpakig-interact sa (mga) creator, ingon man sa imong mga miaging interaksyon nga adunay mga susamang ad. Pananglitan, mahimong gustong mag-advertise ang store sa binuhing hayop og pagbaligya sa mga dulaan sa iro ngadto sa mga tawong interesado sa mga iro; mahimo namong ipakita kini nga ad sa mga user nga ganahan og daghang video nga adunay naka-tag nga hashtag nga “mga iro”. O gustong mag-advertise ang store sa aktibidad sa gawas og mga tolda sa mga follower sa mga creator nga naga-post og content bahin sa mga aktibidad sa gawas ug kinaiyahan. Ipakita namo kini nga ad sa mga follower sa ingon ato nga mga klase sa creator.
• Aktibidad sa gawas sa TikTok: Mahimong mag-personalize ang TikTok og mga ad base sa impormasyon nga gi-share sa among Mga Advertiser, partner sa pagsukod ug uban pa. Pananglitan, mahimong gustong i-promote sa fashion brand ang koleksyon niini nga sinina sa ting-init sa mga kustomer nga namalit gikan sa website o app niini kaniadto. Mahimong i-share sa brand ang impormasyon kanamo aron mapakita namo ang mga ad niini sa mga user sa TikTok nga sa among hunahuna ginasulayan niini nga aboton.
  Mahimong maglakip ang gi-share nga impormasyon og impormasyon sa device sama sa ID sa pag-advertise sa imong telepono ug/o mga email address ug numero sa telepono nga naka-encrypt. Mahimong i-share usab sa mga partner ang mga aksyon nga imong ginahimo sa app o website sa advertiser, sama kung nagbutang ka og aytem sa shopping cart.

Adunay pipila ka paagi diin maka-share ang among mga partner og impormasyon kanamo:

• Pag-integrate sa mga tool sa advertiser sa TikTok (sama sa TikTok Pixel, mga API) diin pinaagi niini makadawat ang TikTok og impormasyon bahin sa mga aksyon sa partikular nga user sa website o app sa advertiser.
• Pag-upload og file sa audience nga adunay device o naka-encrypt nga impormasyon sa pagkontak nga mahimong itugma sa TikTok sa mga user niini aron makahimo og audience para ma-target sa advertiser.
• Paghangyo sa ilang mga partner sa pagsukod nga magpadala kanamo og nakolektang data alang sa advertiser bahin sa mga aksyon ug event sa mga user sa website o app sa advertiser.

Alang sa dugang impormasyon bahin sa mga klase sa data nga mahimong gamiton aron makahatag og mga ad, palihug tan-awa ang among Palisiya sa Pagkapribado. Palihug hinumdomi nga nagagamit ang TikTok og impormasyon nga gi-share sa Mga Advertiser, partner sa pagsukod ug uban pa, kung mouyon lang sila nga sundon ang among mga termino nga nagaprotekta sa imong pagkapribado. Kinahanglan nimong susihon ang maaplikar nga palisiya sa pagkapribado alang sa bisan unsang website ug advertiser nga maka-interact nimo.

Pag-share og data sa mga partner sa pagsukod

Ginatabangan namo ang mga advertiser sa pagsukod sa kaepektibo sa ilang mga ad sa TikTok, sama sa kung nagresulta ba ang ad sa app sa pagdula sa mas daghang pag-download sa ilang app. Aron mahimo kini, gina-share namo ang impormasyon bahin sa imong mga pagtan-aw o interaksyon sa mga ad sa mga partner sa pagsukod sa among mga advertiser, nga mga kompanya nga nagatabang sa mga advertiser nga masabtan kung giunsa pagkab-ot sa ilang mga ad ang ilang mga katuyoan sa marketing. Wala ginatugotan ang mga partner sa pagsukod nga gamiton o i-share ang ingon nga data alang sa bisan unsang ubang katuyoan. Gina-share usab sa mga advertiser ang imong mga aksyon sa ilang mga app o website o sa ilang mga store niini nga mga partner, nga magdetermina kung kinahanglan bang i-credit kini nga mga aksyon sa ad nga imong nakita sa TikTok. Nagatabang kini nga magpabiling may kalabutan ang pag-advertise sa TikTok ug magpabiling libre sa TikTok alang sa tanang user.

Pagkontrol sa imong kasinatian sa ad

Nagahatag mi og mga produkto ug impormasyon aron matabangan ang mga tawo nga masabtan kung sa unsang paagi nagagana ang pag-advertise sa TikTok - lakip kung unsang data ang ginagamit aron magpakita kanimo og mga ad ug kung kinsa ang nagabayad sa mga ad nga imong makita.

Pagdumala sa paggamit sa data alang sa mga ad sa lain-laing rehiyon

• Sa EEA, sa UK ug Switzerland, makontrol nimo ang mga ad nga imong makita sa mga mosunod nga paagi.
• Una, bisitaha ang imong TikTok app > Mga setting ug pagkapribado > Page sa mga ad.
• Gamita ang toggle sa imong "Mga naka-personalize nga ad" aron madetermina kung kinahanglang gamiton ang imong data sa aktibidad sa sulod ug gawas sa TikTok aron ipakita kanimo ang mga naka-personalize nga ad. Gamit kini nga setting, mahimo nimong i-off ang mga naka-personalize nga ad sa kinatibuk-an. Makakita gihapon ka og mga ad, apan mahimong dili kaayo kini importante kanimo.
• Alang sa mga user sa iOS 14.5 o mas bag-o, mahimo kang moadto sa imong mga setting sa pagkapribado ug ayaw tugoti ang TikTok nga i-track ang imong aktibidad sa mga app ug website sa ubang kompanya. Kung naka-off, mag-una kini nga setting sa iOS sa mga setting sa in-app nga imong gipili.
• Sa Android, mahimo kang moadto sa imong mga setting sa pagkapribado ug pilion nga tangtangon o i-reset ang ID sa pag-advertise, nga usa ka identifier nga magamit aron i-track ang imong aktibidad sa lain-laing app.

• Bisitaha ang Imong TikTok app > Account > Mga setting ug pagkapribado > Page sa mga ad aron mausab kung ang mga ad nga imong makita sa TikTok mahimong mas ipaangay sa imong mga interes base sa data nga gi-share sa mga partner sa pag-advertise kanamo bahin sa imong aktibidad sa ilang mga app ug website. Kanunay kang makakita og mga ad base sa kung unsa ang imong ginabuhat sa TikTok.
• Sa iOS, alang sa 14.5 nga bersyon o mas bag-o, mahimo kang moadto sa mga setting sa pagkapribado ug ayaw tugoti ang TikTok nga i-track ang imong aktibidad sa mga app ug website sa ubang kompanya. Kung naka-off ang pag-track, mag-una kini nga setting sa iOS sa mga setting sa in-app nga imong gipili ug dili mahimong available ang gi-target nga toggle sa pag-advertise nga gihulagway sa ibabaw. Kung gusto nimong i-enable ang gi-target nga mga ad base sa imong aktibidad sa gawas sa TikTok, palihug i-on ang pag-track sa TikTok sa imong mga setting sa pagkapribado sa iOS nga device.
• Sa Android, mahimo kang moadto sa imong mga setting sa pagkapribado ug pilion nga tangtangon o i-reset ang ID sa pag-advertise, nga usa ka identifier nga magamit aron i-track ang imong aktibidad sa lain-laing app.

Mahimo ba nakong i-block o itaho ang usa ka ad?

Bisan pa og dili ka maka-opt out sa pagtan-aw sa tanang ad sa TikTok, mahimo nimong maimpluwensyahan ang mga klase sa mga ad nga imong makita pinaagi sa paghatag og feedback sa TikTok bahin sa ad o sa advertiser.

• Pindota ang icon sa I-share sa tuo sa ubos sa ad > Pilia ang Itaho > Sunda ang mga instruksyon sa screen
• Pindota og dugay ang Ad nga video > Pilia ang Itaho > Sunda ang mga instruksyon sa screen

• Pindota ang icon sa I-share sa tuo sa ubos sa ad > Pilia ang "Dili interesado" > Sunda ang mga instruksyon sa screen
• Pindota og dugay ang Ad nga video > Pilia ang "Dili interesado" > Sunda ang mga instruksyon sa screen

Mga May Kalabutan nga Link

• Usba ang imong mga naka-personalize nga setting sa mga ad
• Mga Palisiya sa Pag-advertise sa TikTok
• Transparency Center sa TikTok